Blog

Mundësi për Agrobizneset/Dhoma e Biznesit të Diasporës sjell përvojën Italiane

Dhoma e Biznesit të Diasporës Shqiptare në kuadër të projektit “Angazhimi i Diasporës në transferimin e njohurive bujqësore në Shqipëri”, organizoi sot trajnimin e parë online me temë “Politikat Europiane dhe mundësitë për Agrobizneset”. Në lidhje me këtë temë solli përvojën e tij, trajnuesi italian z. Valentino Valentini, sipërmarrës, ekspert i promovimit të territorit dhe aksesit në tregjet ndërkombëtare për sipërmarrjet e vogla dhe të mesme. Ai bëri një analizë të detajuar të disa çështjeve si: Përdorimi efiçent i tokës dhe  potencialit njerëzor; Mbrojtja dhe kultivimi i kulturave bujqësore tradicionale; Digjitalizimi AGRO dhe Agroturizmit; Mundësitë e bashkëpunimit AGRO me Italinë.

“Nëse një produkt lidhet me territorin dhe territori lidhet me produktin, qoftë ky produkt verë, rrush, vaj ulliri etj., atëherë ky produkt shndërrohet në simbol të këtij territori ku prodhohet. Nëse kjo ndodh atëherë produkti që vjen do të ketë me siguri sukses sepse do ketë unitet. Mos u tundoni të kontrolloni tregjet e botës, nuk duhet ta bëni një gjë të tille, por duhet të vazhdoni rrugën tuaj dhe tí kushtoni vëmendje origjinalitetit të produktit tuaj. Sigurisht që ju mund tí referoheni këtyre vendeve përsa i përket teknologjisë dhe mënyrë së përpunimit ose prodhimit, por përsa i përket produktet ju lutem mbështetuni tek autenciteti i produktit tuaj vendas. Kjo gjë do ju jap një celës tjetër për të ecur përpara që është vlerësimi i territorit ku është prodhuar ky produkt”, thekson Valentini, duke vënë theksin në rëndësinë që ka përkushtimi ndaj një produkti.

Qëllimi i këtij projekti të ndërmarrë nga Dhoma e Biznesit të Diasporës është të mbështesë rritjen socio-ekonomike të zonave rurale shqiptare duke përmirësuar kapacitetin e NVM-ve bujqësore për të bashkëpunuar me Diasporën Shqiptare në Itali duke ofruar kështu një kontribut të prekshëm në rritjen e njohurive, kapaciteteve dhe kompetencave përmes transferimit të njohurive. Projekti ka si objektiv rritjen e aftësive të fermerëve shqiptarë përmes ofrimit të shërbimeve dhe njohurive – mënyra e transferimit nga Diaspora shqiptare në Itali. Gjithashtu rritja e angazhimit të diasporës në zhvillimin lokal përmes ndërgjegjësimit dhe promovimit të praktikave të mira.

Post a comment