Blog

PRO ISIB – Nga ide në projekt

Thirrje e hapur për aplikantët
Afati i mbylljes së aplikimeve: 20 qershor 2020
Aplikant: Individë dhe sipërmarrës deri në moshën 34 vjeç

Në këtë kohë pandemie, të zgjerojmë mendimin kreativ duke mos lejuar qëndrimin pasiv të të rinjve, duke krijuar sipërmarrje të cilat mund të gjenerojnë të ardhura edhe nëpërmjet punës nga shtëpia, nëpërmjet ekonomisë digjitale, duke nxitur punësimin, arsimin dhe formimin profesional

në Shqipëri, duke i dhënë shtysë një përshtatjeje dhe një qasje të pandalshme në tregun shqiptar të punës, por edhe duke e integruar në atë ndërkombëtar.

Ky program mundësohet nga vetë Unioni i Sipërmarësve të Rinj të Shqipërisë, nga Dhoma e Biznesit Shqiptar të Diasporës, dhe në mbeshtetje nga SME ALBANIA dhe SME ACADEMY, duke u adminsitruar nga një Komision i përbashkët i posaçëm.

Fokusi i aplikantit duhet t’i nënshtrohet pesë parimeve thelbësore:

  • Thjeshtësia e aplikimit në treg e projekt idesë
  • Përfshirje sa më e gjerë dhe impakti social
  • Qartësi në pritshmëritë e projektit
  • Mundësi funksionimi në distancë
  • Qëllimi i fitimit

Sektorë të  tillë si informatika, tekstilet, turizmi, zejtaria dhe agro-përpunimi, por jo vetëm marrin perparësi në vlerësimin e idesë.

Për më shumë klikoni këtu ►►►

Dhoma e Tregtisë së Diasporës në bashkëpunim me Unionin e Sipërmarrësve të Rinj, SME Albania, çelën një muaj më parë, garën mes sipërmarrësve të rinj duke iu drejtuar një thirrje të hapur çdo individi apo sipërmarrësi!

“Pro ISB” është projekti që parashikon financimin e projekt-idesë që do të sjellë inovacion e që u prezantua nga vetë të rinj sipërmarrës, të interesuar për të fituar çmimn 3000 Euro për start up.Pjesë e garës u bënë 7 projekte inovative që synonin risi në fushën e shërbimeve, tregtisë dhe turizmit, të cilat u prezantuan online. Kryetari i Dhomës së Diasporës. Z. Ardian Lekaj pjesë e jurisë tha se guximi i shqiptarëve është impresionues.“Janë gjithmonë në kërkim të rrugëve të reja.

Vështirësitë i konsiderojnë si detyra për t’i zgjidhur . Dëshira për shkollim, dhe puna pa ndrojte janë çelësi i suksesit”:- tha Leka.Të ftuar për të marrë pjesë në këtë konkurs ishin sipërmarrës të rinj të sektorëve të ndryshëm si: ICT, tekstilet, turizmi, zejtaria dhe agro-përpunimi, etj, të cilët pas paraqitjes së projekt-ideve online përmes një jurie ekspertësh dhe vlerësuesish të fushës së sipërmarrjes, pritet të bëjnë vlerësimin në fund të javës.

“Pro ISB” synon të mbështesë të rinjtë përmes nxitjes së inovacionit në disa sektorë, ku të nxitet zgjerimi i mendimit kreativ të të rinjve, duke krijuar sipërmarrje të cilat mund të gjenerojnë të ardhura edhe nëpërmjet punës nga shtëpia, nëpërmjet ekonomisë digjitale, duke sjellë rritjen e punësimit, arsimin dhe formimin profesional në vend.Daniel Guçe nga “SME Albania” theksoi se ky konkurs, stimulon të rinjtë të cilët i quan burim i ideve novative dhe falënderon iniciativën si një mundësi unike prezente në këto kohë .Ndërsa Kryetarja e Unionit të Sipërmarrësve të Rinj, Znj.

Elisabeta Katiaj vuri theksin në funskionalitetin, dhe impaktin social , të projekt-ideve të të rinjve.“Të rinjtë patën mundësi përmes faqes zyrtare në facebook të Unionit të Sipërmarrësve të Rinj, të plotësonin formularin e aplikimit dhe të njiheshin me rregulloren ku të interesuarit të kontaktonin ”, sqaroi Katiaj. Ky program mundësohet nga Unioni i Sipërmarrësve të Rinj të Shqipërisë, Dhoma e Biznesit Shqiptar të Diasporës, dhe në mbështetje nga SME ALBANIA dhe SME ACADEMY, duke u adminsitruar nga një Komision i përbashkët i posaçëm.

Support