TEDA

  • INCENTIVAT PËR TEDA-t (Zonat e Teknologjisë dhe Zhvillimit Ekonomik)

    • Hyrja dhe dalja e mallrave në/nga zona, formalitetet dhe procedurat bëhen sipas dispozitave të Kodit Doganor;
    • Zhvilluesit ose përdoruesit që investojnë në zonë brenda 3 (tre) viteve nga fillimi i veprimtarisë ekonomike të zonës u njihen si shpenzime te zbritshme 20 % të shpenzimeve kapitale të vitit korrent për një periudhe dy vjeçare, dhe përjashtohen nga pagesa e 50% të normës të tatimfitimit për 5 (pesë) vitet e para;
    • Furnizimi i mallrave shqiptare të destinuara për t’u vendosur në zonë konsiderohen si furnizime për eksport me shkallë zero në përputhje me përcaktimet e ligjit për tatimin mbi vlerën e shtuar dhe legjislacionit doganor;
    • Projekti i zhvilluesit përjashtohet nga taksa e ndikimit në infrastrukturë;
    • Ndërtimet e realizuara në këtë zonë, sipas projektit të zhvilluesit, përjashtohen nga taksa e pasurisë të paluajtshme për një periudhë 5-vjeçare;
    • Zhvilluesit ose përdoruesit e zonës janë të përjashtuar nga taksa mbi kalimin e së drejtës së pronësisë mbi pasuritë e paluajtëshme;
    • Shpenzimet për paga dhe kontributet shoqërore dhe shëndetsore që punëdhënësi paguan për punëmarrësin njihen 150% të vlerës gjatë vitit të parë.

Zona e Spitallës, Durrës

Është shpallur Zonë e zhvillimit ekonomik dhe Teknologjik(TEDA). Ndodhet në veri të Qarkut të Durrësit. Hapësira prej 199.7 ha i përket Zonës Kadastrale No. 8517 Durrës.

TEDA Spitallë gjendet 6.4 km nga porti i Durrësit, në Detin Adriatik, i cili bën të mundur lidhjen mes Lindjes dhe Perëndimit të Evropës. Ky port ka 4 terminale te dedikuara për transport mallrash. Në këtë port ngarkohen dhe shkarkohen të gjitha llojet e mallrave, mineraleve, karburantet, çimentoja dhe artikujt nga kategori të ndryshme. Vitet e fundit terminali është i pajisur me të gjithë mekanizmat për përpunimin e mallrave dhe menaxhimin e fluksit të trafikut.

  • Aktivitetet ekonomike që mund të zhvillohen në këtë zonë janë:

    • a) Prodhimtari, industriale dhe agro-përpunim;
    • b) Tregti dhe magazinim të mallarave;
    • c) Shërbime;
    • d) Të tjera

    Kjo zonë zhvillimi ekonomik dhe teknik jepet me qera në mënyrë simbolike me çmim 1 Euro për 99 vjet.

Zona e Koplikut, Malësi e Madhe, Shkodër

Kopliku është qendra administrative e zonës së Malësisë së Madhe, me vendodhje në veriperëndim të Shqipërisë, në afërsi të qytetit të Shkodrës. Është e rrethuar nga Liqeni i Shkodrës duke na ofruar mundësi të madhe në fushën e turizmit.

Kopliku është një zonë me burime natyrore (minerale, hidro etj.) dhe krenohet me kushte të favorshme për zhvillimin e turizmit dhe një fuqi punëtore që është edhe dinamike dhe konkurruese në rajon.

Shumëllojshmëria e peshqve që e quajnë liqenin shtëpinë e tyre ka ndihmuar komunitetet fqinje duke përmirësuar mirëqenien e banorëve të zonës duke rritur prodhimin dhe përdorimin efektiv të burimeve. Kompanitë që do të operojnë brenda zonës TEDA do të kenë mundësi të shesin produktetet e tyre në tregjet e brendshme, rajonale dhe ato ndërkombëtare.

  • Aktivitetet ekonomike që mund të zhvillohen në këtë zonë janë:

      1. Prodhimtari, industriale dhe agro-përpunim;
      2. Turizëm;
      3. Tregti dhe magazinim të mallarave;
      4. Shërbime;
      5. Të tjera;

    Kjo zonë zhvillimi ekonomik dhe teknik jepet me qera në mënyrë simbolike me çmim 1 Euro për 99 vjet.

  • Koplik→ Tirana 118km
    § Aeroporti Tirana International “Nënë Tereza” 102 km
    → Durrës 124km
    § Porti i Durrësit 125km
    → Porti i Shëngjinit 45km
    → Porti i Bar (Mali i Zi) 68km
    → Dogana në pikën kufitare Hani i Hotit (kufiri me Malin e Zi) 16 km
    → Dogana në pikën kufitare Morinë (kufiri me Kosovën) 187 km